Feedback jeder Art "Miin Rägeboge" (Schweizerdeutsch)

[NadineB]

Miin Rägeboge

I gwüssä Ziite
Isch alles rundum eifach grau
Mal gsehsch schwarz und wiiss
Doch nirgends findsch gääl oder blau

Alli Grüsch sind furchtbar luut
Und trotzdem ghörsch devo fascht nüt
Willsch nur no ganz wiit weg
Vo allne dene ville Lüt

Wünschisch dir e warmi Hand
Über diini gleit
Wo diin Rucksack bitzli aalupft
Und en mit dir wiitertreit

Doch du stecksch fescht im Tunnel
Rüefsch: Wänn wirds äntli hell?
Doch niemert ghörts. Du bisch allei.
Du und diin Stei.

Wiä gern gsächt iich jetzt rot
Chönt blaui Wunder erläbe
Alls nöd ganz s'Gäle vo miim Ei
Doch eifach nüm im Grau feschtchläbe

Chämti gern in grünäre Beriich
Öb violett oder gääl?
Im grund gno wärs mir gliich

Lah miin Rägeboge schiine.
Und segs au nur en chliine.

 

[Chilicat]

Liebi @NadineB,
auch kleine Regenbogen können leuchten und die Hoffnung zurückbringen.
Härzlechi Grüess us em Aargau.
Chilicat